Аб сустрэчы з прадстаўнікамі Ганконгскай міжнароднай авіяцыйнай акадэміі і Міжнароднага аэрапорта Ганконга
10.07.2026 г.9 ліпеня 2026 г. супрацоўнікі Генеральнага консульства Рэспублікі Беларусь у САР Ганконг правялі сустрэчу з прадстаўнікамі Ганконгскай міжнароднай авіяцыйнай акадэміі і Міжнароднага аэрапорта Ганконга.
Міжнародны аэрапорт Ганконга на працягу 15 гадоў нязменна займае першае месца ў свеце па аб'ёме грузаперавозак, а таксама ўваходзіць у лік самых загружаных аэрапортаў свету па пасажыраплыні.
Бакі прадставілі адзін аднаму магчымасці навучання па розных напрамках авіяцыйнай індустрыі, у тым ліку па дыспетчарскім і інжынерным профілях, кіраваннем аэрапортам.
На заканчэнне сустрэчы ўдзельнікам была дадзена магчымасць азнаёміцца з шэрагам авіяцыйных сімулятараў у кампусе ўстановы.
