Аб Генеральным консульстве

У 2021 г. заключана Пагадненне паміж Урадам Рэспублікі Беларусь і Урадам Кітайскай Народнай Рэспублікі аб адкрыцці Генеральнага консульства Рэспублікі Беларусь у Спецыяльным адміністрацыйным раёне Ганконг (Кітайская Народная Рэспубліка).

Консульская акруга Генконсульства ахоплівае два спецыяльных адміністрацыйных раёна Кітая — Ганконг і Макаа.

Увесну 2022 г. у Ганконг прыбылі беларускія дыпламаты Генконсульства.

Урачыстая цырымонія адкрыцця Генеральнага консульства адбылася 4 мая 2023 г. пры ўдзеле ганаровых гасцей — кіраўніка Спецыяльнага адміністрацыйнага раёна Ганконг Джона Лі Качхіў, Камісара Міністэрства замежных спраў Кітайскай Народнай Рэспублікі ў Спецыяльным адміністрацыйным раёне Ганконг Лю Гуан'юаня, Надзвычайнага і Паўнамоцнага Пасла Рэспублікі Беларусь у КНР Юрыя Сянько.

Генеральнае консульства забяспечвае выкананне консульскіх функцый, займаецца развіццём і ўмацаваннем двухбаковага эканамічнага і гуманітарнага супрацоўніцтва з Ганконгам і Макаа, садзейнічае ў суправаджэнні дэлегацый высокага ўзроўню ў консульскай акрузе.