Аб удзеле ў спецыяльнай сесіі выставы Ганконгскага жакей-клуба: «Росквіт і хараство — Цывілізацыя эпохі дынастый Суй і Тан у правінцыі Шэньсі»
15.07.2026 г.14 ліпеня 2026 г. Выканаўца абавязкаў Генеральнага консула Рэспублікі Беларусь у САР Ганконг Дар’я Богдан прыняла ўдзел у спецыяльнай сесіі выстаўкі Ганконгскага жакей-клуба: «Росквіт і хараство — Цывілізацыя эпохі дынастый Суй і Тан у правінцыі Шэньсі» для прадстаўнікоў дыпламатычнага корпуса.
Арганізатарамі мерапрыемства выступілі Офіс Упаўнаважанага прадстаўніка МЗС КНР у САР Ганконг, Дэмакратычны альянс за паляпшэнне і прагрэс Ганконга, Ганконскі гістарычны музей.
З прывітальнымі словамі да ўдзельнікаў мерапрыемства звярнуліся Сакратар Адміністрацыі Урада САР Ганконг Эрык Чан, намеснік Упаўнаважанага прадстаўніка МЗС КНР у САР Ганконг Лі Юншэн, Выканаўца абавязкаў Сакратара Урада САР Ганконг па пытаннях культуры, спорту і турызму Рэйстлін Лау і намеснік Старшыні Дэмакратычнага альянса за паляпшэнне і прагрэс Ганконга, старшыня Камітэта па сувязях Холдэн Чоу.
Удзельнікі змаглі паглыбіць свае веды аб багатай гісторыі Кітая, азнаёміцца з асаблівасцямі развіцця грамадства Паднябеснай у перыяд дзвюх дынастый і разгледзець старажытныя рэліквіі.
Відэарэпартаж даступны па спасылцы.
Фота: Генконсульства, Дэмакратычны альянс за паляпшэнне і прагрэс Ганконга.
